يوم البارح إتناولنا
موضوع عن مرونة اللغة وتقبلها للحداثة....... وتارى الليلة هو اليوم الإختارتو
الامم المتحدة كيوم عالمى للغات الام البتتحدث بيها كل الشعوب الأصيلة.......!!!
ياريت الناس تنتبه لليوم الواحد وعشرين من شهر فبراير من كل عام
لأنو دا اليوم العالمى للغة الام او يوم الإحتفال باللغة الأصل لكل عشيرة وقبيلة
موجودة على الكرة الارضية.....!!!
ونحن كأونشو مفروض نحتفل باليوم دا
بطريقة مبتكرة وراقية....طريقة تؤدى الغرض المن أجلو أختير هذا اليوم بالذات من
باقى أيام السنة عشان يكون يوم اللغة الام العالمى..... لأنو دا يومنا
حصرياً....مش يوم أمريكا ولايوم روسيا ولا يوم أى من الدول الكبرى... وإنما هو يوم
الشعوب الأصيلة الكانو بقولو عليها ( ناس رطانة)..... أصبحنا اليوم (شعوب أصيلة)
ومحمية بنص قرار عالمى ومتفق عليه أممياً.....
ويوم واحد وعشرين بالذات هو اليوم
الفاصل لآخر أسبوع فى شهر فبراير ومفروض نحن نكون فى باقى أيام شهر فبراير كلها
محتفلين بإحياء لغتنا وتراثنا ....بتبادل الأحاديث بالاونشونوي كل حسب إستطاعتو
وتبادل المعلومات الخاصة بلغتنا ونشرها للفائدة العامة..... وإحياء إحتفالات الفن
الشعبى وخاصة الغناء بمختلف أشكالو من شندوكولا لغناء كرنق وكونشنق وتتلى وكلما تم
تأليفه لغوياً ... ولا ننسى تناول الحكايات الشعبية للأونشو وحكيها لأطفالنا حتى
يهتموا بالإرث الثقافى لأسلافنا....
وبإختصار كدا ياأخوانا مفروض من
اليوم نحن حقو نتجهز ليوم واحد وعشرين فبراير من كل عام...... ونجعلو زى يوم عيد
لينا عشان فى اليوم داك نقدر نعكس أصالتنا للآخرين عبر لغتنا ونوريهم مدى إهتمامنا
بالموروث الثقافى لأسلافنا بدل نقعد نعاين للناس وهى بتحتفل باليوم العالمى
للغاتهم ونعمل نفسنا خجلانين من لغتنا ونقول عليها (رطانة)...... وياهو العالم
إعترف بلغتكم وخصص ليها يوم كامل فى السنة لإحياء الثقافة واللغة.. ...
ياترى نحن عايزين شنو أكتر من كدا
ياناس.... يوم كامل وعلى مستوى العالم ممكن نرفع عقيرتنا ونقول للناس أنحن هنا....
ودى لغتنا وتانى ماتقولوا عليها رطانة ..... دى لغة وممكن تتكتب وتتقرى وتدرس.......
ولا رأيكم شنو ياأونشو....!!!!!
ولا رأيكم شنو ياأونشو....!!!!!
خليتكم بعافية وصباحكمZain
0 comments:
إرسال تعليق