كرقانق

زمان ونحن تلاميذ فى المدارس صادفتنا قصة الثعلب البلع قطعة عضم وخنقتو..... وإتفق مع طائر عجيب إسمو ( مالك الحزين) عشان يستخرج العضم من حلقو وبعد داك يديهو جائزة....
 العملية نجحت تماما بعد ما صاحبنا مالك دخل رقبتو الطويلة فى حلق الثعلب وإستخرج العضم..... وطالب بأتعابو بتاعت العملية.... لكن صاحبنا المكار نكر. قال ليه..... جائزة شنو وحق شنو..... هو ما كتر خيرى لما إنت دخلت رقبتك الطويلة دى كلها جوه خشمى وطلعتها سليمة.....؟
طبعا صاحبنا من يومها تاب وبقى حزين وغير من مهنة الطب وقال أخير ليهو يحترف حرفة ( البلع) زى صاحبو الثعلب .... وعشان مايتخنق قال يبلع حاجات رقيقة وملساء كدا زى الدبايب..... ومن اليوم داك الناس سمتو.... (حبيب بلاع الدبيب).....
دا ضيفنا اليوم وهو طائر منتشر فى كل بقاع العالم وتوجد منه أنواع كثيرة جدا....  الموجود بالسودان نوع يحب إفتراس الثعابين..... ولديه حيلة جميلةفى إصطيادها.... فهو عندما يجد ثعبانا يعمد إلى تحريك رقبته الطويلة بطريقة راقصة ينتبه لها الثعبان يتابعها حتى يتلهى بها وفجأة يهجم عليه صاحبنا بمنقاره الطويل القوى فلا يستطيع الثعبان الفكاك من قبضته فيصبح لقمة صائغة فى فمه....
 الأونشو تسميه كرقانق....( كرق/ آنق)..... والمعنى ( قال كرق)..... وكرق هذا صوته فهو يصدره حال طيرانه أو عند إشتباكه مع آخر فتجدهما يصرخان.... كرغ...كراااااغ..كرغ..... ولهذا سماه الأونشو بالكرقان....

ياترى ماذا تعرف عن مالك الحزين أو حبيب الكرقآن غير ماذكرت لك

جديد حيوانات وطيور Slider 9:11:00 ص