واراندو

معليش..... ناس القلوب الرهيفة يعذرونى..... لكنى قلت أجيب شغلى دا نهار القايلى عشان الناس يتناولوه مع الغدا.....( تحلية وكدا).....
الشغل دا ترا ناس كردفان بسموه أم مديشينة.... وماعارف باقى الجماعة بقولو عليهو شنو إلا أهلى الأونشو بسموهو ( واراندو)..... ولأنو زاحف بطئ الحركة فهو يتخفى فى شكل دائرى جميل يشبه هبابة السعف.... والويل لك كن قربت عليهو .... أول حاجة بديك إنذار بصوت يشبه إحتكاك حبات السبحة لكن لسؤ حظك الإنذار دا بكون فى آخر خطوة تخطها جنبو.... والوقت داك بكون هو قضى غرضو ولدغك.....
الواراندو عزيزى القارئ من الثعابين البتعيش مع البشر قريب لأنها بتتغذى على الفئران الموجودة فى المنازل ولأنها بطيئة الحركة وكسولة النشاط تلقاها نايمة مرطبة فى الشقوق بتاعت الحيط والحجارة وعشان كدا ناس الخرطوم بسموها (الدقرة النوامة)......
لكن لايغرنك نومتها هذه فسمها زعاف وقاتل ويوجد منها نوع ملون بالأبيض والأسود دا أخطر نوع وكمان بهاجم الناس.... يعنى لو كنتو قاعدين على الأرض بالليل تتونسو..... أعملو حسابكم شديد لأنها ممكن تهجم على الجالسين فى أى لحظة ... والنوع دا أكتر حاجة بتواجد فى مناطق غرب كردفان ..... وأذكر قبل فترة قريبة أودت بحياة واحدة من بناتنا بلدغة واحدة بس...... 
حمانا الله عزيزى القارئ وربنا يحفظنا من الواراندو...... لكن عايز أسألك
هل حصل شاهدتها...... ولا سمعت عنها قصة.....؟
كدى أحكى لينا الشى العارفو عنها..... 
ونهاركZain

جديد حيوانات وطيور Slider 7:34:00 ص