البيدرو

   

ياأخوانا قبل ما تقرو منشوري دا عايزكم تركزو في الصورة المرفقة وتعرفو لي كم عدد الطيور الموجودة بالصورة.... وبعديها أنا بوريكم الحاصل شنو... ركزو شديييييد..... ودققو شدييييد كمان.

وأمعِنو النظر ياشبابخلاص.....

خلاص.....

قلنا خلاااااااص...كفاية كدا كفاية تحديق

أظن 75%منكم ما طلع بحاجة من الصورة دي ويمكن الكتيرين منكم أصابتُم زغللة في عيونُم ودميعاتُم نزلت.............

طيب نخُش في لُب الموضوع..... الطيور الفي الصورة دي هي صغار نوع من الطيور الجبلية تسميها العرب طيور (الحِجِل الرمادية) وتطلق عليها العامة في كردفان إسم (بيدرو).... وهي طيور إجتماعية تشبه الدجاج شبه عجيب لدرجة إنو في بعض القبائل أطلقت عليها إسم (جداد الجبل).... زي الأونشو كدا.... وهم بسموها(كُدوكوريَنْدي) أي دجاج الجبل....

وطيور البيدرو دي بنلقاها في غالب الجبال في كردفان... وبتعيش في جماعة قد تصل العشرين طائر في السرب الواحد.... ولحدي قريييييب في ألفينات القرن دا كانت موجودة في جبل أبوزمام في وسط مدينة الدلنج وكانت بتعلن عن وجودها بأصواتها الجميلة المتناغمة في كل صباح ومساء.....

الأونشو بتفسر أصوات البيدرو علي إنها بتردد وتقول:

واا بيرو دوابونق....

كال بيرو مرتونق...

واا بيرو دوابونق....

كال بيرو مرتونق....

أي (تطبخ ملاح كعب...

تسوط عصيدة كعبة).... ودا كنوع من الدعابة للنسوان الساكنات تحت الجبل

نرجع للصورة وهي بتوضح كيفية إجادة عملية التخفي والتمويه لصغار البيدرو من العدو لدرجة لايمكن للعدو إكتشافها مهما كان دقيق النظر إلا بعد تعب.....

أهااا .... يلا الناس النظرهم 6/6 ديل يورونا شافو كم طائر في الصورة دي   

جديد حيوانات وطيور 9:19:00 ص